永遠食唔完嘅泡菜種類！

韓國人食飯多小菜就係人都知啦，但其實喺香港可以買到嘅小菜款式已經算係少㗎啦，實際上究竟係有幾多款嘅小菜，可能真係數都數唔晒！

喺韓國各種攞嚟拌飯嘅小菜都統一叫반찬 ，種類真係超級無敵多，不論係魚類/蛋類/菜類/瓜類，每個種類入面又有再分幾十種唔同嘅做法！

淨係我哋最常見嘅泡菜，究竟用咩菜，落咩調味，點樣食法，都已經有分幾十種㗎啦！

而且最驚人嘅係，韓國嘅街市係真係有咁多種泡菜俾你買，個樣仲要全部都係紅色，對外地人嚟講要買最普通嘅白菜泡菜，已經係好難嘅一件事ㅋㅋ

而且仲要每一間/每個牌子嘅調味都唔同，所以喺韓國買泡菜真係非常容易踩雷架！

咁到底要點樣先買到自己想要嘅泡菜種類呢？其實就係喺김치 前面加返自己想要嘅種類就可以㗎啦~例如係我哋平時最常見到嘅泡菜就叫배추김치(白菜泡菜)，青瓜做嘅泡菜就叫오이김치 等等~

但你又知唔知韓國人，基本上係唔會喺外面買배추김치(白菜泡菜)㗎呢？

因為味道最參差，但食得最多嘅泡菜種類就係배추김치(白菜泡菜)，所以通常都會屋企人/自己醃，除咗啱自己口味，亦比起外面買要平好多，對於每日都食泡菜嘅韓國人嚟講就化算好多啦！

파김치를 좀 사려고요 我想買啲蔥泡菜啊

너무 맛있죠? 係咪好好食呢？

나도 반찬가게 가면 무조건 파김치 我都係去小菜店嘅話無條件會買蔥泡菜

所以喺韓國街市最受歡迎嘅泡菜，一定係파김치(蔥泡菜)，因為파김치(蔥泡菜)不論係食燒肉定湯類，任何食物都非常之配襯，但你唔好睇佢係蔥就以為好易整，파김치(蔥泡菜)一定要用大蔥，而且調味料又多又麻煩，所以都係直接買仲方便~

資料來源 ：나혼자산다 MBC230421방송