韓國人2歲就釘耳窿？

之前同大家分享過好多身為中韓混血兒會體驗到嘅陰影(？)故事，但今日係要分享我最慶幸阿媽係韓國人嘅故事！

就係！因為阿媽係韓國人，所以可以2歲就釘耳窿～

話說細個我見到阿媽同啲大姐姐都有釘耳窿，就叫阿媽帶我去釘，然後韓國阿媽就一如既往，對於扮靚嘅事從來都唔會拒絕，即刻就帶咗我去釘耳窿

記憶之中我係覺得勁痛，而個師傅都覺得呢個阿媽好詭異，竟然帶個咁細嘅女嚟釘耳窿，之後我都經常會帶耳環，而啲大人見到都會覺得好可愛又搞笑ㅎㅎ

但逐漸長大要返學就冇辦法經常帶耳環，身邊嘅女同學都會怕個耳窿埋口消失，而偷偷地帶耳針，又或者因為釘耳窿耳仔發炎，同各種辛苦嘅事，呢個時候就會覺得好彩我阿媽係韓國人啫ㅎㅎ

因為我釘耳窿嘅時候只有2歲，年紀太細就穿咗個窿ㅋㅋㅋ

所以無論如何都唔會再埋返口，我試過超過一年以上無帶耳環都仲係暢通無阻ㄷㅂ

可能喺香港普遍思想會覺得咁細個就釘耳窿，會影響身體發育，或者大個會越釘越多，不過對於韓國人嚟講返幼稚園之前釘耳窿/電髮/染髮等等，扮靚嘅事係非常之正常㗎～

因為大部分韓國人認為，只要不影響日後生活，小朋友想做又靚嘅事情，佢哋一定會接受同支持，所以韓國有好多小朋友都係有帶耳環，造型非常時尚㗎！！

資料來源 ：

https://ss02544.tistory.com/283

https://www.idus.com/v2/review/1c745588-c220-4a20-bdc1-e6991953b338