然後主力推介呢個蘆薈啫喱！因為我全家都食緊😂（好似好hard Sell😂😂😂）其實已經食咗幾個月，而家終於得閒介紹

因為我全家都鼻敏感，又唔係好嚴重，但係一轉天氣或者有少少刺激就會係咁流鼻水或者咳，啲仔夜晚瞓覺鼻水倒流咳到醒咗真係好疲倦，見到啲廣告話食蘆薈可以幫助，但係落重廣告嗰啲款要成二百幾蚊先至得14條，咁我不如食蟲草啦😅，所以我就喺韓國好多其他牌子返嚟試吓，最尾呢隻係咁多隻入邊最經濟嘅價錢，但係效果最好！

頭兩日食你會覺得好似有啲痰同鼻水多咗嘅感覺，但係食多幾日之後突然之間清澈咗😱！我哋而家會雪凍佢嚟食，仲正！

因為蘆薈本身其實係有一浸膠膠地嘅味，所以好多蘆薈啫喱都會用其他味掩蓋佢，不過有時就會太甜，呢隻佢話自己係水蜜桃味，但係我隱約食到蘆薈嘅清甜，唔係好重蜜桃味，所以佢冇其他嗰啲咁甜😍