呢個草本暖貼，係我12月頭去韓國嗰次買，因為連續兩日出街都抱住個仔之後條腰就快斷，已經預感到第三日瞓醒條腰係會痛到起唔到身（我本身有椎間盤突出），所以去Olive Young補貨嘅時候見到腰貼所以買咗，加上嚟M，諗住可以一物兩用🤣，貼咗一晚之後第二日全日行街都冇腰骨痛，但係嗰陣韓國係零度，所以覺得佢唔係好熱，唔知係咪心理作用，所以返嚟香港之後啱啱好今日差唔多一個月，差唔多去到經期前幾日，於是我再試用咗1塊，於是整理咗佢嘅優點：

1.坊間好多暖貼都淨係得熱力，但係佢係有草本成份，用蒸氣嘅方法去滲透你嘅血管，好有效，而家為止現力已經持續咗10個鐘💛
2.佢嘅溫度真係唔係好熱，今日香港嘅天氣嚟講，會feel到佢係幾溫暖，絕對唔會焫親同埋皮膚敏感嘅嗰種熱
3.佢草本成份真係有效，我貼咗之後腰骨真係冇冤住痛，相比之下即刻發覺小腿好痛🤣所以雖然佢話係最啱生理期用，但係腰骨痛嘅男士都啱用，真係舒緩到
4.而且我貼咗一陣之後就感受到就快要來月經嘅肚有啲反應，就算我貼咗喺背脊，個肚都有感覺，因為我係成日都會遲嚟月經嘅人，所以如果子宮有反應會十分之明顯

綠色肚貼&紫色腰貼：
因為就咁睇完全分別唔到佢哋有咩唔同，所以認真比較過佢哋嘅成份其實係冇乜分別，綠色細塊啲，所以價錢平啲，紫色係新推出嘅兩倍蒸氣效果，上面講我用嘅係紫色，相對會貴啲

使用方法：
佢一邊係有黏力，所以可以貼喺任何衣服上面（唔好直接貼喺皮膚）
只要一搣開第三章圖嗰個綠色水滴型貼紙，蒸氣就會開始發揮效用，有貼綠色貼紙呢一邊可以貼住皮膚使用，當然都可以用衣服隔開
官方說明熱力最少可以持續八小時🩷
（Miss實證10個鐘都仲熱緊🤭）