話說之前病咗嘅時候真係再一次感受到韓國高貼嘅強大！生完小朋友小腿真係好容易抽筋，肌肉好硬，貼住佢瞓一晚即刻鬆晒，絕對好過用優足時間🤣
唔知大家知唔知道韓國醫生開約係會直接開啲膏貼俾病人😆，對韓國人嚟講膏貼真係好似藥物咁樣，所以我用過佢哋嘅膏貼都覺得效果係比起香港嗰啲好好多，試過有一次頹miss阿媽喺韓國追巴士PK，成個人剷咗落一級樓梯，膝頭哥同埋腳腕即刻瘀晒腫晒，夜麻麻冇醫生睇，腳腕同埋膝頭哥分別黐咗3-4塊之後，第二朝起身已經行到！

我嘅經驗係佢舒緩疲勞同埋消除痛症嘅效果最好，我自己淨係會用凍版😂（因為熱嗰隻實在太熱），而且我覺得凍嘅鎮靜效果好好多，消腫消得好快！

其實韓國有兩至三個比較國民嘅牌子，當中最平嘅就係呢隻企鵝仔啦，其實佢已經有60年歷史仲有出其他藥，我諗我都用咗佢10年，開頭係貪佢平😆，但係後尾發覺其他貴啲但係仲唔好用，而且同香港撒隆巴斯真係冇得比，佢痴咗落去基本上真係廿四小時都仲有感覺！