對錯字十分寬容的國家？

有好多同學仔學到咁上下之後，經常都會有同一個疑問，就係究竟個字係點寫㗎？

例如試過有同學仔喺sns上見到有韓國人打 “넘 조아요” ，就以為都可以咁樣寫，然後自己做功課嘅時候都跟住咁樣寫…

其實韓國唔單只係sns上，可能係電視節目/電影/官方活動，甚至產品上等等各種地方，都係非常容易可以見到好多錯字㗎！

因為有學韓文嘅同學仔都知，其實韓文字嘅寫法，好大部份都係可以憑拼音寫返出嚟，再加上又非常之多同音字/連音等等嘅情況，所以其實好多韓國人，都可能唔知正確嘅字係點寫㗎ㅋㅋㅋ

而且本身韓國人扮可愛嘅時候，都會成日轉做其他子音/母音，例: 안녕하세요 -> 안녕하세용 ，所以對佢哋嚟講，個韓文字嘅寫法，只要差唔多又睇得明就可以接受ㅎㅎ

但對於極端嘅代表韓國人嚟講，發音同文法就調返轉係絕對唔可以錯…

雖然佢哋成日都講各種方言，聽落好似發音都係差唔多就ok，但係佢哋嘅世界入面，係一個字都唔可以錯，只要發錯一個字，甚至係一個收音，對佢哋嚟講已經會係聽唔明…

文法上面就更加唔可以錯啦，因為同學仔都知由初階中段開始，就會學助詞/時態/語幹等等，有時只係少咗一個字，就已經會成句句子都唔同晒意思，甚至變成唔知想表達乜嘢嘅情況㗎啦！

如果大家都想扮吓可愛，都可以特登寫錯啲韓文㗎ㅋㅋㅋ

但記得做功課/考試嘅時候就唔好啦，即是話可以寫錯字嘅人，就只有識得寫正字嘅人！ㅋㅋ

資料來源 ：나 혼자 산다 MBC220930방송