韓國最愛出的小電器best 3 ！

睇韓劇嗰陣見到啲韓國人嘅廚房，好似個個都好精緻好靚咁，用嘅電器都好似好高級一樣，咁係因為韓國人真係好鍾意出電器！

雖然唔知係從何以來嘅癖好，但的確係只要製成電器，就會引起韓國人嘅購買慾，例如係想冰敷嘅話，比起買一塊冰面膜，韓國人一定會買美容儀ㅋㅋ

再加上，韓國人本身就非常之喜歡韓國出品嘅東西，所以韓國人自己國內，就會出好多唔同嘅電器，而且韓國人又好貪靚，所以韓國出品嘅電器，好多都真係又靚又好用嫁！

就好似連雪櫃，都要分普通雪櫃同泡菜專用雪櫃一樣，有啲家庭甚至會買酒專用雪櫃！真係間屋細啲都擺唔落…

電飯煲，多士爐，吸塵機，攪拌機，呢啲大眾嘅電器當然就非常多啦，但仲有啲係韓國人好鍾意出，而且可以叫做韓國人手一部嘅小電器！

韓國最愛出的電器-加濕機

其實韓國嘅夏天都係同香港一樣非常潮濕，但冬天又係勁乾，乾到會喉嚨/鼻腔痛同出血嫁！而且韓國人愛護膚，覺得經常保濕皮膚先會好，所以係每一個韓國人都有加濕機㗎！仲要越出越可愛，真係用唔着都想買返部ㅋㅋㅋ

韓國最愛出的電器-牙刷殺菌機

韓國人一日刷三次牙係真的！所以經常都會帶牙刷出街，咁你擺個牙刷喺袋度，有接觸到外面嘅灰塵/污垢，自然就非常需要消毒殺菌啦！

韓國最愛出的電器-床頭燈

韓國叫床頭燈做“무드등” mood light，係氛圍的燈具，聽落去已經好似好浪漫咁，冇錯，佢哋就係為咗浪漫而買ㅋㅋ 因為韓國人好鍾意裝飾屋企㗎嘛，所以佢哋係真係會為咗靚而開盞燈㗎！

資料來源 ：

http://www.10x10.co.kr/shopping/category_prd.asp?itemid=3313868&disp=122114110101&pRtr=%EB%AC%B4%EB%93%9C%EB%93%B1&rc=rpos_1_19

http://www.10x10.co.kr/shopping/category_prd.asp?itemid=5865911&disp=124110102&pCtr=124110102

http://www.10x10.co.kr/shopping/category_prd.asp?itemid=4998588&disp=124111106&pRtr=%EC%B9%AB%EC%86%94%EC%82%B4%EA%B7%A0%EA%B8%B0&rc=rpos_1_1