韓國木製枱仔信心保證！

雖然阿媽係韓國人，但由細到大屋企嘅裝飾同物品，就同我哋嘅家常便飯一樣，充滿香港特色，要搵到啲好似喺韓國手信街買到嘅嘢，都真係唔容易！

不過有一樣嘢係基本上喺香港唔會買到，而且喺屋企使用率都好高嘅韓國物品！

就係⋯韓國木製摺疊小枱啦~

即係你睇韓國古裝劇嘅時候，入面啲宮女成日拎住成張枱仔走來走去，嘅嗰張枱~

雖然香港都有得買摺疊枱仔，但由於香港人本身用枱仔只會做啲輕擎啲嘅事，所以都比較薄/輕身，但韓國製就唔一樣啦！嗰張咁嘅枱仔係成個喼咁重㗎！

成張枱都係實木，用左十幾年都仲係超級順滑，仲有陣陣木香味，同埋真係唔係講笑，就算放喺床上面食麵，都係超級無敵穩陣！ㄷㅂ

細個我就經常因為有呢張枱仔，所以不論食飯定係做功課，都成日攤喺張床度ㅋㅋㅋ

咁點解韓國枱仔可以咁結實呢？

一嚟韓國人冬天為咗地暖會坐地下，二嚟韓國特有嘅半地下式住宅，樓底好低都會選擇坐地下，所以久而久之韓國人已經好習慣，成日坐喺地下食飯，就算有梳化都會用嚟靠住然後坐喺地下ㅋㅋㅋ

所以佢哋係經常甚至每日都會用枱仔，咁當然係買張可以用好耐又結實嘅枱啦，所以對好多韓國家庭嚟講，一張好用枱仔仲緊要過食飯枱㗎！

tmi時間 :

點解韓國人要用扁身嘅鐵筷子呢？

咁係因為以前啲人餐餐都用細枱仔食飯，喺廚房擺好晒飯菜先會拎出廳食，用扁身嘅筷子就唔會碌落地下，非常方便搬運~

至於用銀純粹古代要用嚟試毒ㅋㅋ

資料來源 ：

https://www.dibidibi.com/kmr0130/6?re=n

https://m.health.chosun.com/svc/news_view.html?contid=2022012800933

https://kormedi.com/1225187/