學韓文小方法 - 發音篇 1

對於講韓文無自信，或者好似講到卡住咗咁嘅同學仔，好多時都唔係造句嘅問題，而係發音唔夠準確/唔夠流暢~

雖然韓文嘅拼音非常簡單，但取決於一個字嘅發音正唔正確，好多時係喺收音嗰度，例如 : 벗 同 벅 嘅分別，所以想發啱個字嘅音，就只可以從知識入手，了解好每個子音/母音真正嘅讀法~

喺Hello Korean到學韓文，就可以真正讀啱每一個字，打好韓文基礎啦！

((乘機賣下廣告先ㅋㅋㅋ

不過對於流暢度嚟講，都有啲小方法俾大家返屋企練習嘅~

方法1 : 一整句句子不可斷開咁讀快啲

上堂嘅時候miss都會鼓勵大家讀書本嘅文章，一齊練習同糾正發音，但好多同學仔都會習慣性喺空格嘅地方停頓，但咁樣會令到自己拼音速度變慢之餘，對語幹嘅理解度都會下降㗎！

所以下次讀句子/文章嘅時候，即使當中有一兩個字讀錯，都寧願讀快啲，不斷續咁朗讀落去先~

如果句子真係好長，就只可以喺連接詞嘅位停頓，咁樣不但對發音流暢有改善，仲可以同時理解句子前後意思添~

方法2 : 同一生字連續讀5次以上

呢個方法非常適用於練習連音同一啲較長嘅生字，例如係英文譯過嚟嘅韓文/會改變讀法嘅生字，好似係 : 스트레스, 아이스크림, 전화기, 볶음밥 等等…

一啲望落好似要慢慢拼/會變成其他讀法嘅字，其實對韓國人嚟講，佢哋只係記咗個字點讀，而唔係真係喺度拼㗎！

所以呢個方法，對於訓練舌頭肌肉靈活度非常有效之外，仲可以背埋生字嘅讀法，就唔使次次都喺度拼啦~

資料來源 ：https://study.korean.net/servlet/action.pds.DoctorAction?p_process=view&p_pageno=0&p_bdseq=69&p_dispnum=69&p_menuCd=m30302&p_tabseq=59